நுரையீரல் நமது உடலில் ஒரு முக்கிய உறுப்பு ஆகும். இது சுவாசத்திற்கு பொறுப்பாகும். சுவாச அமைப்பு ஆக்ஸிஜனை சுவாசிக்க உதவுகிறது மற்றும் நமது உடலில் இருந்து கார்பன் டை ஆக்சைடை கழிவுப் பொருட்களாக அகற்ற உதவுகிறது. சுவாசப்பை என்பது சுவாசத்தொகுதியின் மைய உறுப்பு ஆகும்.
நாம் உயிர் வாழ ஆக்ஸிஜன் அவசியம். ஆக்ஸிஜன் குளுக்கோஸை சந்திக்கும் போது வெளியாகும் ஆற்றலே நமக்கு சக்தியைத் தருகிறது. சக்தி இல்லாவிட்டால் உடலுறுப்புகள் எதுவும் செயட்பட முடியாத ஆபத்தான நிலை உருவாகும். எனவே தான் உடலுக்கு ஆக்ஸிஜனை வழங்குவதற்கு சுவாசப்பை அவசியமாகும். நோய் வராமல் சுவாச மண்டலத்தை ஆரோக்கியமாக வைத்திருப்பதும் அவசியமாகும். சுவாசப்பையில் சுவாச தொற்று நோய்கள் ஏற்படலாம். நிமோனியா, காசநோய் போன்ற தொற்று நோய்கள் முக்கியமானவை. பல்வேறு தொற்று அல்லாத நோய்களும் உள்ளன, அவற்றில் சில ஆஸ்துமா மற்றும் நுரையீரல் புற்று நோய் என்பன குறிப்பிடத்தக்கன. இதில் சுவாச புற்றுநோய் ஒரு ஆபத்தான நோயாகும். கதிர்வீச்சு மற்றும் ப்ளாப்ஸி கல பரிசோதனை நோயைக் கண்டறிய உதவும். நுரையீரல் புற்றுநோயில் இரண்டு வகைகள் உள்ளன. சுவாசப்பையில் முதலில் உருவாக்கிப்பரவுவது. இது சுவாசப்பையில் மெதுவாக கட்டிகளாக மாறி வருகிறது. காற்றுப்பாதையில் உள்ள செல்களின் கட்டுப்பாடற்ற வளர்ச்சியால் கட்டிகள் ஏற்படுகின்றன. இரண்டாவது புற்றுநோய் என்பது உடலின் மற்ற பாகங்களில் ஏற்படக்கூடிய ஒரு நோயாகும். இது மெட்டாஸ்டாஸிஸ் என்று அழைக்கப்படுகிறது. மெட்டாஸ்டாஸிஸ் ஆனது வேறு உறுப்புகளில் தோன்றும் புற்றுநோய் செல்கள் குருதி சுற்றின் காரணமாக சுவாசப்பைக்கு காயப்பட்டு வந்து பரவுவதைக் குறிக்கிறது. அதிகமானவர்களுக்கு இவ்வகை புற்று நோயே ஏட்படுகின்றது. இரண்டாவது வகை முதல் வகையை விட ஆபத்தானது. இது சிகிச்சையளிப்பது கடினம் மற்றும் பெரும்பாலும் மரணத்திற்கு வழிவகுக்கிறது. முதலாவது வகை புற்றுநோயை முன்கூட்டியே கண்டறிந்து சிகிச்சை அளித்தால் குணப்படுத்த முடியும்.புகைப்பிடிப்பவர்களுக்கு பொதுவாக புற்றுநோய் வருவதற்கான வாய்ப்புகள் அதிகம். கூடுதலாக, புற்றுநோய்க்கான காரணிகளாக சுற்றுச்சூழல் மற்றும் மரபணு காரணிகள் காணப்படுகின்றன. இந்த ஆபத்து புகைப்பிடிப்பவர்களுக்கு மட்டுமல்ல, புகைப்பிடிப்பவர்களுடன் நெருக்கமாக இருப்பவர்களுக்கும் கூட. சிகரெட்டின் நுனியில் பில்டர் தரும் பாதுகாப்பு, அருகில் உள்ள யாருக்கும் கிடைக்காது.. நிகோடின் உட்பட பல இரசாயனங்கள் மற்றும் கார்பன் டை ஆக்சைடு புகைபிடிக்கும் போது சுவாசப்பாதைகள் மற்றும் காற்றுப்பாதைகளை சேதப்படுத்தும். நிகோடின் என்பது இரத்தத்தில் கலந்து மற்ற உறுப்புகளை சென்றடையும் ஒரு வேதிப்பொருள். இந்த இரசாயனங்கள் புற்றுநோயை உண்டாக்கும்.
சுவாச மண்டலத்தின் புற்றுநோய்கள் பொதுவாக சுவாசப்ப்பையின் ஒரு குறிப்பிட்ட பகுதியில் தொடங்குகின்றன. ஆரம்பத்தில் இந்நோய் கண்டறியப்பட்டால், முழுமையான சிகிச்சை அளிக்க முடியும். கட்டிகள் காலப்போக்கில் வளர்ந்து பரவி, இறுதியில் சுவாசப்பையின் மற்ற பகுதிகளை பாதிக்கிறது. பருமனான பின் அருகிலுள்ள உறுப்புகளுக்குள் செல்லத் தொடங்குகிறது. நோய் பரவிய பிறகு சிகிச்சையளிப்பது மிகவும் கடினம்.சுவாச சிகிச்சை என்பது அறுவை சிகிச்சை, கீமோதெரபி மற்றும் கதிரியக்க சிகிச்சையை உள்ளடக்கிய ஒரு வகை மருத்துவ சிகிச்சையாகும். இதில் பொருத்தமான ஒரு சிகிச்சையையோ, கூட்டான சிகிச்சையையோ வைத்தியர் மேற்கொள்வார்.
அறுவை சிகிச்சை மூலம் கட்டியை ஆரம்ப நிலையிலேயே அகற்றிவிடலாம், இது வளர்ச்சியடைவதையும் தீவிரமாவதையும் தடுக்க உதவும். புற்றுநோய் செல்களைக் சுட்டெரிக்க கதிர்வீச்சு பயன்படுத்தப்படுவதுடன், கீமோதெரபி மூலம் வளரும் செல்களைக் கட்டுப்படுத்தி அழிப்பதன் மூலம் அவற்றைக் கட்டுப்படுத்த முடியும்.
புகைபிடிக்கும் அபாயத்தைக் குறைப்பதன் மூலம் புற்றுநோயைத் தவிர்க்கலாம். கடினமான சிகிச்சையை விட வருமுன் காத்தல் ஒரு சிறந்த வழி என்று தோன்றுகிறது, இல்லையா? புகைபிடித்தல் ஆரோக்கியத்திற்கு எதிர்மறையான விளைவுகளை ஏற்படுத்தும், எனவே முடிந்தால் அதைத் தவிர்ப்பது முக்கியம்.
கருத்துகள்
கருத்துரையிடுக